قشقایی
ایــرانـیـنـگ عـزتــی بــللی یــادگــار
سن فارسیـنگ شوکتی بؤییگ افـتـخار
گلیـب سندن یاخچی گچسین روزگار
یـاشاسیـن فرهنـگینگ ـ دیلینگ قشقایی
اگیـل‌مسیـن سنـیـنگ بئـلیـنگ قشقـایی
گؤزلرینگ کاساسی یاشدان‌دوْلمـاسیـن
گونونگ یاخچی‌اوْلسون‌یامان‌اوْماسیـن
ابـدنـچـز سـارالـمـاسیـن سوْلماسیـن
یارپاغیـنگ‌ـ ریحانیـنگ‌ـ‌گولونگ‌قشقایی
آچیـلسیـن قاناتیـنگ ـ قوْلونگ قشقایی
...قـشـلاقیـنگ گؤی داغلی ـ یازی باصفا
یـئیلاقیـنگ بولاقلی ـ یئری خوش هوا
چـایلاریـنگ کمیـنه سالدیـنگ قونالقا
چیـچکـلـی چـؤل چمی یوردونگ قشقایی
دشمنی مصـافـدا یــوْردونـگ قشقـایـی
شئـر ایـگیـدلـر دامانیـنگدا بئسله‌دینگ
دار گـونلرده میـدانـلارا سسله‌دیـنـگ
تـئـللرینـی گولگز قانـا ایـسلادیـنگ
کـمـرلـری سـالـدیـنـگ سسه قـشقـایـی
بـاج وئـرمـه‌دینـگ هئـچ نـاکسـه قـشقایی
بـو خـزانـدا گلیـر گـولوستــان ایـسـی
اؤلولـرده هنــوز گـلیـر جـان ایـســی
داغ و داشیـنـگ هنـوز وئـریر قان ایسی
افــتــخـارلـی ـ آد و سـانـلـی‌قـشـقـایـی
سنـگـرلـری گولگـز قـانــلی قـشـقـایـی
داهـا گـلـمـز آیـایـدیـن یـاز گئجه‌سی
چوْبان _چوْلوق های و هوی ـ‌ایگید سسی
داغیلماز چـؤللـره دارغــا ده‌وه‌سـی
ائـللـر کـوچـدو داغـدان ائـنـدی قـشقایی
گـلیـب هـامـی کنـده قـونـدو قشـقـایـی
وطنـیـنـگ یـوْلـونـا تؤکردینگ قانیـنگ
قوْرخـو بیلمزدینگ گئدسیدی جانیـنگ
تـاریـخلار ساخلادار سنینگ نشانیـنگ
داغ و داشــی داسئتـانــلـی قــشـقــایــی
بـئـشـه‌لـری « ارسـلانـلـی » قـشـقـایــی
" ارسلان میرزایی"
سلام آقا امین . قربون دستت ولی حیف که با fontبدی نوشته شده. خواهشا مطالب وبلاگ راجدید کنید.
سلام یورولمویاسیز من سعیدم تبریزده ن بیز هامیمیز تورکوخ قشقایی یا اذری و یا... هچ فرق ایلمز.یاشاسین آذربایجااان
سلام عزیز . یاخچی شعردیر. گزل وبلاگ دیر. ساغ اول سن