خوش مرامونگ الدن گئددی قشقایی
هاچان گؤردینگ قز اوغولی هم کلام
هاچان گؤردینگ نامزد وره بیر کلام
اینده هچ کاره دور آنا، آتا والسلام
خوش مرامونگ الدن گئددی قشقایی
هاچان گؤردینگ اوغول قیزنگ پیکنده
هاچان گؤردینگ قیز اوغولونگ ترکینده
هاچان گؤردینگ عقد محضر ترکینده
نکبت مرام سنی بولده قشقایی
هاچان گؤردینگ عروس دومادجفت اولا
هاچان گؤردینگ غول بوینونا چفت اولا
هاچان گؤردینگ گلین باشی آچولا
خوش مرامونگ الدن گئددی قشقایی
هاچان گؤردینگ فیلمبرداری اولونا
هاچان گؤردینگ توری لباس آلونا
هاچان گؤردینگ گلین دوشه اویونا
نه پس مرام سنی بولدی قشقایی
هاچان گؤردینگ یاقلوق چارقد ول اولا
هاچان گؤردینگ باش چیقینه قویولا
هاچان گؤردینگ ماتیک سورخاب وورولا
رسمینگ ایددی بو دنیادان قشقایی
هاچان گؤردینگ قیز اوغولدا دسته گل
هاچان گؤردینگ بیر بیر آغزوندا نقل
هاچان گؤدینگ دیه لر گولسی اوغول
هاچان گؤردینگ بئله مرام قشقایی
هاچان گؤردینگ عقد سفرسه چکله
هاچان گوردینگ قز قاشنه گؤتره
اینانمازدوم تؤرک رسمینه ایتیره
ایتده رسمینگ داها بولمانگ قشقایی
هاچان گؤردینگ ترکده بئله رسمیت
هاچان گوردینگ اؤ تز اولا تات صفت
هاچان گؤردینگ باشلوق اولابیر صورت
رسمینگ دؤنده تات رسمینه قشقایی
گؤتریلده گلین لرینگ دووآقی
تور و تاجی گییر باشدن ایاقی
رنگین
کمان اؤلور ناخن لاری دوداقی
گؤرمز گزلرینگ نه گؤره سی قشقایی
قشقایی
ننگ اؤز رسمینه من قوربان
گئددی داها گلمز گؤرم اؤ دوران
گؤینده قالموش
چوخ آرزولار چوخ آرمان
بیر گؤریدم گونینگ دونموش قشقایی
دانیالونگ طبعی
بئله گؤتیرمز
حق بیلرکی اؤز رسمینی ایترمز
هر بی معنی هرولگرده قوشولمز
چوخ تعصب واری سنه قشقایی
شاعر: دانیال مرادی-شش بلوکی؛ داش دمیرلو